Elkarbidea talde bat da, Espainiako obra marianisten Guinomai proiektuaren baitako fedean hezteko taldea. Esperientziatik abiatuta fedean heztea eskaintzen du.

​

Ostiralero biltzen da Elkarbidea taldea, mailaren arabera, eta ikasturte osoan hainbat jarduera antolatzen dira: gau ekitaldiak, bizikidetza saioak, eukaristiak... Eta ikasturtea ezin hobeto amaitzeko, udan hainbat proposamen egiten dizkiegu neska-mutilei: DBHko 1. mailatik 4. mailara bitartekoei kanpaldia Pirinioetan, egun ibiltariekin; Batxilergoko 1. mailan Done Jakue Bidea; eta Batxilergoko 2. mailan auzolandegi bat. Azken maila horretan, gainera, urrats garrantzitsua egiten dute Jesusen jarraitzaile moduan, konfirmazio edo sendotzaren sakramentuan BAI esanez.

​

Elkarbidea gure ikastetxearen nortasunaren bereizgarrietako bat da, lehenik proiektuaren zentzuagatik, eta bigarrenik gure ikasle askok parte hartzen dutelako proiektuan DBHko eta Batxilergoko etapetan.