Marianistas Udako Kanpusa erreferente bihurtu da, askotariko jarduera ugari proposatzen dituelako eta eskaintza etengabe hobetzen duelako. Izan ere, familien % 98,5ek berriro ere izena emango lukete kanpusean, amaierako inkestan adierazitakoaren arabera.
Marianistas Udako Kanpusa HAUR HEZKUNTZAko eta LEHEN HEZKUNTZAko ikasleentzat da eta, ziklo bakoitzaren barruan, taldeak osatzen ditugu adinaren arabera.
Kanpuseko jarduera nagusiak ikastetxean izaten dira, baina txangoak ere egiten dituzte, Lehen Hezkuntzan igerilekura joaten dira, zaldian ibiltzera eta abar.
Eskaintza ahalik eta malguena egiten saiatzen gara, familien behar eta desio guztiak bete ahal izateko. Kanpusak 5 aste irauten du: ekainaren azkeneko astea -ikasturtea amaitzen denetik hasita- eta uztaileko 4 asteak. Asteka ematen da izena; beraz, nahi duzun asteetan eman dezakezu izena. Ez dute segidakoak izan beharrik. Ikastetxean bazkaltzeko aukera ere badago (aukerakoa), eta bi zaintza zerbitzu eskaintzen ditugu: goizeko 8etatik 9etara, eta arratsaldeko 3etatik 5etara.
Beste bereizgarri bat informazioa da; izan ere, argazkiak argitaratzen ditugu egunero webgunean, eta familiei email bana bidaltzen diegu egun horretan zer egin dugun eta hurrengo eguneko egitaraua zein den jakinarazteko.
Sar zaitez kanpusaren webgunean, eta disfrutatu gurekin zure seme edo alabak izan dezakeen esperientzia hoberenetako bat.
